Есөн настай хүүг зодож, дээрэмдсэн этгээд өмнө нь эрэн сурвалжлагдаж байсан 16 настай охин мөн болохыг тогтоожээ
Есөн настай хүүхдийг зодож дээрэмдсэн хэрэг гарчээ.
Цагдаагийн байгууллагад өнгөрсөн Лхагва гарагт “Баянзүрх дүүргийн нутаг дэвсгэрт есөн настай эрэгтэй хүүхдийг үл таних хүн зодож, гар утсыг нь дээрэмдсэн байна” гэх дуудлага мэдээлэл ирсний дагуу Эрүүгийн цагдаагийн албаны Эдийн засгийн гэмт хэрэгтэй тэмцэх газар, Баянзүрх дүүрэг дэх цагдаагийн газрын Нэгдүгээр хэлтсийн Эрүүгийн цагдаагийн тасаг хамтран мөрдөн шалгах ажиллагаа явуулжээ.
Шалгалтын явцад уг гэмт хэргийг өмнө нь энэ төрлийн гэмт хэрэг үйлдэж, яллагдагчаар татагдсан 16 настай, эмэгтэй, А гэгч үйлдсэн болохыг тогтоосон байна. Улмаар эрэн сурвалжлах ажиллагааг зохион байгуулж олж тогтоон мөрдөн шалгах ажиллагааг эхлүүлжээ.
Албаны сурвалж дээрх гэмт хэргийг үйлдсэн 16 настай охин өмнө нь цагдаагийн ажилтны дүр эсгэж БГД-ийн 28 дугаар сургуулиас гурван сурагчийг авч явахыг завдан, эрэн сурвалжлагдаж байсан иргэн мөн болохыг батлав.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
88 СЭТГЭГДЭЛТЭЙ
|
