МҮОНТ-ийн нэвтрүүлэгч Б.Гантигмаад Монгол Улсын Соёлын гавьяат зүтгэлтэн цол хүртээлээ

Монгол Улсын Ерөнхийлөгчийн Тамгын газар

Монгол Улсын Ерөнхийлөгчийн зарлигаар Монголын Үндэсний Олон Нийтийн Телевизийн нэвтрүүлэгч Бужгарын Гантигмаад Монгол Улсын Соёлын гавьяат зүтгэлтэн цол хүртээв.

Монголын үндэсний радио, телевизэд тасралтгүй 30 гаруй жил хөдөлмөрлөж, мэдээ нийтлэл, сурвалжилга, нэвтрүүлгийн чанар, хүртээмжийг сайжруулах талаар идэвх санаачилга гарган ажиллаж, телевизийн эфирт 500 гаруй мянган цагийн нэвтрүүлэг уншиж нэвтрүүлэн, чөлөөт, ардчилсан, хараат бус сэтгүүл зүйг төлөвшүүлэхэд оруулсан хичээл зүтгэл хийгээд хэвлэл, мэдээллийн салбарын хөгжилд оруулсан бодит хувь нэмрийг нь өндрөөр үнэлэн ийнхүү цол хүртээв. 

Эх сурвалж: Монгол Улсын Ерөнхийлөгчийн Тамгын газар