Жүжигчин Ц.Ганбаяр таалал төгсжээ

 

Гэрэл зургийг `Шинэ үе` продакшны хуудсаас авав

Хошин урлагийн томоохон төлөөллүүдийн нэг, "Шинэ үе" продакшны жүжигчин асан, "Мөрөөдлийн театр"-ын жүжигчин, соёлын тэргүүний ажилтан Ц.Ганбаяр хүнд өвчний улмаас өнөөдөр таалал төгсжээ. 

Тэрбээр элэгний хорт хавдрын улмаас БНСУ-д эмчлүүлж байгаад эх орондоо ирээд эмчлүүлж байсан ч ийнхүү хорвоог орхисон талаар "Шинэ үе" продакшн мэдэгдэж, эмгэнэл илэрхийлжээ. 

Жүжигчин Ц.Ганбаяр 2006 онд СУИС-ийг дүүргэсэн бөгөөд оюутан ахуй цагаасаа "Шинэ үе" продакшны жүжигчнээр, сүүлд "Мөрөөдлийн театр"-т ажиллаж, олон сайхан дүрээрээ үзэгчдийн хүртээл болсон авьяаслаг жүжигчин байв.

Талийгаачийн гэр бүл, төрөл төрөгсөд, найз нөхөд, хамтран ажиллагчдад гүн эмгэнэл илэрхийлье.