• 12 сарын 14, Бямба
|
Уншиж байна ...
ХУУЧИРСАН МЭДЭЭ: 2021/06/02-НД НИЙТЛЭГДСЭН

ЖАГСААЛТ: Эрүүл мэндийн даатгалаар элэгний В, С вирусийг төлбөргүй тоолох 19 лаборатори

Д.Янжиндулам, ikon.mn
2021 оны 6 сарын 2
iKon.MN
Зураг зураг
Гэрэл зургийг Mpa.mn

"Гэрээт лабораториудаас үзүүлэх тусламж, үйлчилгээ" сэдвээр Эрүүл мэндийн даатгалын ерөнхий газраас мэдээлэл хийлээ.

ЭМДЕГ-ын Нэхэмжлэлийн эмнэлзүйн хяналтын ахлах мэргэжилтэн Х.Сувд-Эрдэнэ "Өнөөдрийн байдлаар ЭМДЕГ-тай гэрээтэй 19 лаборатори "Элэг бүтэн Монгол" хөтөлбөрийн хүрээнд элэгний В, С вирусийн идэвхжил тодорхойлох шинжилгээг хийж байна.

Үүнд,

  1. Улсын нэгдүгээр төв эмнэлэг
  2. Улсын хоёрдугаар төв эмнэлэг
  3. Улсын гуравдугаар төв эмнэлэг
  4. Хавдар судлалын үндэсний төв
  5. Халдвар өвчин судлалын үндэсний төв
  6. Сүхбаатар нэгдсэн эмнэлэг
  7. Төв аймгийн нэгдсэн эмнэлэг
  8. Грандмед
  9. Аллергимед
  10. УБ Сонгдо
  11. Медипас
  12. Меданалитик
  13. Гялс
  14. Ливерцентр
  15. Оношмед
  16. Бонавита
  17. Протлаб
  18. Дермамед ХХК
  19.  Евростандарт лабораториуд багтаж байна.

Тодруулбал, уг хөтөлбөрийн хүрээнд анхан шатны эрүүл мэндийн байгууллагууд даатгалын сангийн санхүүжилтээр элэгний В, С вирусийн илрүүлэх шинжилгээг иргэдэд үнэгүй хийнэ.

Уг шинжилгээний хариу эргэлзээтэй гарвал аймаг, дүүргийнхээ нэгдсэн эмнэлэгт баталгаажуулах шинжилгээ хийлгэх ёстой. Үүний зардлын 5,000-10,000 төгрөгийг ЭМДС-аас төлдөг юм.

Хамгийн сүүлд баталгаажуулах шинжилгээнд элэгний В, С вирус илэрвэл төрийн болон хувийн хэвшлийн дээрх 19 лабораторид вирусээ өөрөөсөө мөнгө төлөлгүйгээр тоолуулах боломжтой гэсэн үг.

Түүнчлэн элэгний вирусийн улмаас эм уух шаардлагатай иргэдэд ЭМД-ын Сангаас тухайн эмийн үнэд нь хөнгөлөлт үзүүлдэг

Тухайлбал, ЭМД-ын Сангаас элэгний С вирусийн нийлмэл найрлагатай 6, дан найрлагатай хоёр төрлийн эмэнд тус тус хөнгөлөлт үзүүлж байгаа” хэмээв.

ВИДЕО:

https://www.facebook.com/eruul.mendiin.daatgal/videos/2925888674406363