2021/09/23
Америк доллар
МОНГОЛ БАНК:
2,848.51₮
B30
УЛААНБААТАР
15°
|
B30
УЛААНБААТАР
20°
|
B30
УЛААНБААТАР
17°
|
11°
16:00
S32
13°
17:00
S32
12°
18:00
S32
11°
19:00
S31
20:00
S31
21:00
S31
22:00
S31
23:00
S31
00:00
S31
01:00
S31
02:00
S31
03:00
S31
Энэ мэдээ хуучирсан буюу 2021/06/02 -нд нийтлэгдсэн мэдээ болно.

"Наадмын төсөв ₮2.5 тэрбум. Ардын хувьсгалын 100 жилийн ойг тэмдэглэхэд зориулж Соёлын яаманд ₮10 тэрбумыг суулгасан"

Т.Өлзийбаяр, iKon.mn
2021 оны 6 сарын 2
iKon.MN
Зураг
Гэрэл зургийг mpa.mn

Тулгар төрийн 2230 жил, Их Монгол Улс байгуулагдсаны 815 жил, Ардын хувьсгалын 100 жилийн ойн Үндэсний их баяр наадмыг үзэгчтэйгээр хийх талаар наадмыг зохион байгуулах хорооноос мэдэгдсэн билээ. 

Наадмын төсвийн талаар зөрүүтэй мэдээлэл гараад буй. Иймд энэ талаар холбогдох албаныхнаас тодрууллаа. 

Цэргийн парад зохион байгуулахад 2 тэрбум гаруй төгрөг төсөвлөсөн

Шадар сайдын ажлын албанаас тодруулахад "Наадмын төсөв 10 тэрбум гэж яригдаад байгааг ялгаж ойлгох хэрэгтэй. Энэ мөнгө нь Ардын хувьсгалын 100 жилийн ойг тэмдэглэн өнгөрүүлэхэд зориулагдах юм. 100 жилийн арга хэмжээ энэ оны намар хүртэл үргэлжилнэ. Тухайлбал, цэргийн парад зохион байгуулахад 2 тэрбум гаруй төгрөг төсөвлөж, урлагийн их наадмыг 8 сард зохион байгуулах төлөвлөгөөтэй байна" гэсэн мэдээллийг өглөө. 

Нийслэлийн ЗДТГ-ын дарга Т.Оюунчимэг "Үндэсний их баяр наадмын төсөв 2.5 тэрбум. 10 тэрбум төгрөг нь Ардын хувьсгалын 100 жилийн ойг тэмдэглэхэд зориулж Соёлын яаманд суулгасан мөнгө. Энэ мөнгөөр ямар арга хэмжээ зохион байгуулахыг тухайн яамныхан мэднэ" гэлээ. 

Манайд төсөв нь суугдаад газруудад хуваарилж өгнө

Харин Соёлын яамнаас энэ талаар "Соёлын яам 10 тэрбум төгрөг авах гэж байгаа мэт буруу ойлголт төрүүлсэн мэдээлэл гараад байна. Манайд төсөв нь суугдаад газруудад хуваарилж өгнө. Энэ талаар илүү дэлгэрэнгүй мэдээлэл одоогоор алга байна" гэв. 

Өнгөрсөн жилийн хувьд цар тахлын улмаас үзэгчгүй наадам болж, 2.8 тэрбум төгрөг төсөвлөж байсан юм.

ГРАФИК: Жил, жилийн наадмын төсөв

Наадмаар төв цэнгэлдэх хүрээлэнд 1,024 бөх барилдах бол хурдан морины уралдаан, сурын харваа Хүй долоон худагт болох аж.

x