Коронавируст халдварын тохиолдол 26-аар нэмэгдэж, Улсын хэмжээнд батлагдсан тохиолдол 738 боллоо
Коронавируст халдварын нөхцөл байдлын талаар Эрүүл мэндийн яамнаас мэдээлэл хийж байна.
ШУУД ҮЗЭХ: /2020.11.27/
Өчигдөр улсын хэмжээнд нийт 18,031хүнд PCR шинжилгээ хийжээ. Ингэхэд 26 хүнээс коронавирус илэрч, улсын хэмжээнд батлагдсан тохиолдол 738 болсон тухай ХӨСҮТ-ийн Тандалт, судалгааны албаны дарга А.Амбасэлмаа мэдээллээ.
Өнөөдөр мөн өнөөдөр хоёр хүн эдгэрч дараагийн шатны ажиглалт руу шилжлээ. Нийт батлагдсан тохиолдлоос одоогоор 347 хүн эдгэрээд байна.
Харин ЭМЯ-ны хэлтсийн дарга Д.Нарангэрэл "Өнгөрсөн 24 цагийн хугацаанд тусгай дугаарын гурван утсанд нийт 8,497 хүн холбогдож зөвлөмж, зөвлөгөө авсан байна.
Эмнэлэг, үйлчилгээний газар маш их эрсдэлтэй газар учраас иргэд эмнэлгийн тусламж хэрэгтэй болсон үедээ 119, 1800-0119 утсаар зөвлөгөө авч зохицуулах шаардлагатай" хэмээн хэллээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
