Д.Нарангэрэл: Одоогоор ХӨСҮТ-ийн ажилчдаас ямар нэг нэмэгдэл хөлс аваагүй тохиолдол байхгүй
Эрүүл мэндийн яамны COVID-19 халдварын цаг үеийн асуудлаар ээлжит хэвлэлийн хурлаа хийлээ.
Энэ үеэр халдварын голомтод ажиллаж буй эмч, эмнэлгийн ажилтнуудад цалинг нэмсэн эсэх сэтгүүлчдийн тавьсан асуултад Эрүүл мэндийн яамны хэлтсийн дарга Д.Нарангэрэл хариулав.
Тэрбээр хэлэхдээ "Нэгдүгээр сарын 6-наас хойш Эрүүл мэндийн яам, мэргэжлийн төв байгууллагууд 24 цагийн өндөржүүлсэн бэлэн байдалд шилжин ажиллаж байна.
Энэ хугацаанд эрүүл мэндийн сайд уг асуудлыг гурван удаа Засгийн газрын хуралдаанд оруулсан. Ингээд нэгдүгээр сарын сүүл гэхэд эмнэлгийн ажилчдын нэмэгдэл цалин хөлсийг бүгдийг нь шийдвэрлүүлсэн.
Тиймээс нэмэгдэл цалин хөлс олгогдоод явж байгаа. Мөн ХӨСҮТ-д хүмүүс хандив өргөж байгааг ажилчиддаа зориулж байгаа.
Бидний авсан мэдээллээр одоогоор ХӨСҮТ-ийн ажилчдын хувьд ямар нэг нэмэгдэл хөлс аваагүй тохиолдол байхгүй" гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
