Ерөнхий сайдын үнэлэмжээр хэдэн төгрөгийн үнэтэй ЦАГ ЗҮҮВЭЛ БОЛОХ ВЭ?

Засгийн газрын өргөтгөсөн хуралдаан өнөөдөр боллоо.

Энэ үеэр Ерөнхий сайд У.Хүрэлсүхийн хэлсэн нэг үг анхаарал татсан нь сайд, засаг дарга нарт хандан "Төрийн мөнгөнөөс битгий хулгайлуулаарай, ард түмний мөнгийг битгий шамшигдуулаарай. Бид хулгайч нартай тэмцэнэ.

Одоо том том алтан цаг зүүдгээ боль, хүн цохиод алчихмаар том алтан үзэг барьдгаа больцгоо. Сваровский шигтгээтэй том том брэнд цүнх барьдгаа боль. Дарга нараа, төрийн албан хаагчдаа. Үүнээс л төрийн албан хаагч нарын эмх цэгц эхэлж байна. Даруухан бай. Ард түмнээсээ баян төрийн албан хаагч байх хэрэггүй. Ард түмэн чинь ядуу байна" гэж хэлэв. 

Хэдхэн хоногийн өмнө болсон талбай дээрх жагсаалд тансаг зэрэглэлийн брэндийн ороолтоор гоёсон УИХ-ын эрхэм гишүүн олон нийтийн сүлжээнд баалуулж байсныг та бүхэн санаж буй байх. 

Тэгвэл Ерөнхий сайдын хэлээд буй алтан цаг, үнэтэй эдлэл хэрэглэж олон нийтийг басамжлахаа больцгооё гэсэн санаа нь зөв ч тэрбээр энэ санаагаа өөрөө хэрэгжүүлдэг үү. Ерөнхий сайд У.Хүрэлсүхийн зүүдэг Piaget брэндийн цаг 23 мянган доллароос хямдраад 17 мянган доллар буюу 46 сая төгрөгийн үнэтэй цаг юм. 

Тэрбээр энэ цагийг өөрөө худалдан авсан эсэх эсвэл бусдын бэлэг эсэхийг бид мэдэхгүй.  Ямартай ч бусдыгаа өндөр үнэтэй эд зүйл хэрэглэж болохгүй гэж лүндэн буулгасан Ерөнхий сайд маань өөрөө 50 орчим сая төгрөгийн цаг зүүх юу ч биш бололтой. Түүнийхээр үнэтэй эд хэрэгсэл гэж яг ямар хэмжигдэхүүнийг хэлж байна вэ?

Ерөнхий сайдын зүүдэг цагны үнэ: