Улсын хэмжээнд 170 хүн аюулт үзэгдэл, ослын улмаас амиа алдсан байна
Аюулт үзэгдэл, ослын тохиолдол 2018 оны эхний есөн сарын байдлаар 3,186 удаа болж, өмнөх оны мөн үеэс 264 (7.7%)-өөр буурсан хэдий ч амь насаа алдсан иргэдийн тоо өндөр хэвээр байгааг доорх хүснэгтээс харна уу.
Хүснэгт. Аюулт үзэгдэл, осол, жил бүрийн эхний 9 сарын байдлаар
Тодруулбал, нийт 170 хүн амь насаа алджээ. Шалтгаанаар нь авч үзвэл
- усны ослын улмаас 92
- объектын түймрийн улмаас 53
- шар усны үерийн улмаас 15
- бичил уурхайн нурангийн улмаас 9
- химийн бодисонд хордсоны улмаас 1 хүн үхсэн байна.
Аюулт үзэгдэл, ослын улмаас энэ оны эхний есөн сард 17.5 тэрбум төгрөгийн хохирол учирсныг Үндэсний статистикийн хорооны Нийгэм, эдийн засгийн тайланд дурдсан байна. Улсаас энэ бүхэнд 10.2 тэрбум төгрөг зарцуулсан нь сүүлийн дөрвөн жил дэх хамгийн өндөр үзүүлэлтэд орж байгаа юм.
Эх сурвалж: Үндэсний статистикийн хороо
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
