Нарендра Модигийн амласан $1 тэрбумын зээлийг Монгол улс удахгүй авч эхэлнэ
Өнгөрсөн оны тавдугаар сард Монгол улсад айлчилсан Энэтхэгийн ерөнхий сайд Нарендра Моди $1 тэрбумын зээлийн шугам нээх боломжтой гэдгээ Монголын засгийн газарт амлаж байв.
Тэгвэл гуравдугаар сард Монголын төлөөлөгчид Делид айлчилж энэхүү зээлийг ямар салбаруудад олгох талаар хэлэлцээр хийхээр болсныг Энэтхэгийн засгийн газрын эх сурвалж мэдээлжээ.
Эх сурвалжийн хэлж байгаагаар зээл олгогдох салбаруудад дэд бүтэц, мэдээллийн технологи, боловсролын чиглэлүүд багтаж байгаа гэнэ.
Монголд олгох зээлийг хариуцан ажиллаж байгаа Экзим Банкны төлөөлөгч нэг тэрбумын зээлийн ихэнх нь дэд бүтцийн салбарт зарцуулагдах төлөвтэй байгааг ярьсан байна.
Эх сурвалж: The Hindu
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
