МҮОНРТ-ийн удирдлагууд томилогдлоо
Энэ сарын 8-ны өдөр Монголын Үндэсний олон нийтийн радио, телевизийн захирал М.Наранбаатарын захирамж гарч МҮОНТ-ын захирал Д.Энхтуяа болон МҮОНРТ-ийн дэд захирал Ё.Батбаяр нарыг ажлаас нь халсан билээ.
Шалтгаан нь:
Д.Энхтуяаг тус телевизийн алтан фондын хоёр өрөөнд хийсэн засварын ажлын гүйцэтгэл шаардлага хангаагүй байхад хүлээн авсан.
Харин МҮОНРТ-ийн дэд захирал Ё.Батбаярыг албан тушаалаа урвуулан ашиглаж хувийн техник хэрэгслээ нийлүүлэхийг завдсан гэх үндэслэлээр ажлаас нь халсан юм.
Ингээд өчигдөр Монголын Үндэсний Олон Нийтийн Радио Телевизийн дэд захирлаар Ч.Батцэнгэл , МҮОНТ-ийн захирлаар Ц.Лхагвадаш нарыг томилсон байна.
Захирлуудын сонгон шалгаруулалтад зургаан хүн өрсөлдсөн бөгөөд тэднээс телевизийн урлагт олон жил ажилласан, дадлага туршлагатай ажлаа мэддэг гэсэн давуу талыг харгалзан дээрх хоёр хүнийг сонгосон аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
