Автомашины аялал зохион байгуулахаар болов
ОХУ, БНХАУ, Монгол гурван улсын аялал жуулчлалыг зохицуулах хурал БНХАУ-ын Өвөр Монголын Өөртөө Засах Орны Хөх хотод боллоо.
Өмнө нь "Монгол-БНХАУ-ын хилийн бүсийн аялал жуулчлалыг зохицуулах хурал" нэрээр зохиогддог байсан бол энэ жилээс Монгол, ОХУ, БНХАУ гурван улсын аялал жуулчлалын уулзалт болон өргөжиж, шинээр Улаанбаатар хот, ОХУ-ын Өвөрбайгалийн хязгаар нэмэгдсэн байна.
Уг хурлаар:
- “Манжуур - Чита - Улаан - Үд - Эрхүү - Улаанбаатар - Архашаат “ чиглэлд автомашины аялал явуулах
- “Талын од” нэртэй жуулчны галт тэргийг “Хөх хот - Улаанбаатар - Улаан - Үд” чиглэлд аялуулах
- ӨМӨЗО, ОХУ-ын Өвөрбайгалийн хязгаарын залуучуудын аяллыг Улаанбаатар хүртэл өргөжүүлэн явуулах гурван улсын санаачилга явагдаж байгаа.
Мөн “Цайны зам” аяллын маршрутыг үргэлжлүүлэн дөрөвдөгч орны жуулчдыг татах, хамтарсан сурталчилгаа явуулах зэрэг асуудлыг хэлэлцсэн байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
