Хархорин захын гүүрэн гарцыг зориулалтын дагуу ашиглана
“Хар хорин” захын урд зам дээр гүүрэн гарц байдаг ч баар, зоогийн газар, үсчин зэргээр зориулалтын бус үйл ажиллагаа явуулсаар өдийг хүрсэн.
Тухайн хэсэгт зам тээврийн осол, гэмтэл ихээр гардаг төдийгүй замын хөдөлгөөний ачаалал байнга нэмэгддэг гэж цагдаагийн байгууллагаас үздэг.
Тус гүүрэн гарцыг зориулалтын дагуу ашиглах хүсэлтэй байгаагаа иргэд удаа дараа цагдаагийн байгууллага, СХД-ийн удирдлагуудад илэрхийлсэн байна.
Тиймээс иргэдийн хүсэлтийн дагуу дүүргээс тус захын удирдлагуудтай уулзаж, гүүрэн гарцыг шинэчлэн, засварлаж зориулалтын дагуу ашиглах асуудлыг хэлэлцэж, санал солилцох ажлыг эхлүүлсэн байна.
Ингэхдээ өндөр настан, хөгжлийн бэрхшээлтэй иргэн, ачаа бараагаа зөөж байгаа иргэдэд зориулан гүүрэн гарцын хоёр талд цахилгаан шат хийхээр төлөвлөж байгаа аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
