Камертон хамтлагийн ахлагч Д.Болд, гишүүн Л.Ган-Эрдэнэ нарыг ГАВЬЯАТ ЖҮЖИГЧИН цолоор шагналаа
Үндэсний их баяр наадмыг тохиолдуулан Монгол Улсын Ерөнхийлөгч У.Хүрэлсүх өнөөдөр Төрийн ордонд төрийн дээд цол, одон, медаль гардууллаа.
Ерөнхийлөгчийн долоодугаар сарын 7-ны өдрийн 91 дүгээр зарлигаар Тулгар төрийн 2235, Их Монгол Улс байгуулагдсаны 820, үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105 жилийн ойг тохиолдуулан Камертон хамтлагийн ахлагч, B Production ХХК-ийн үүсгэн байгуулагч, Монгол Улсын Төрийн соёрхолт Доржсүрэнгийн Болдыг Гавьяат жүжигчин цолоор,
Камертон хамтлагийн гишүүн, дуучин, Хос дэлхий ХХК-ийн захирал Лхамжавын Ган-Эрдэнийг Гавьяат жүжигчин цолоор тус тус шагналаа.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
