Иран Улсад өрнөж буй жагсаал улам өргөжин хурцдаж магадгүй байгаа тул тухайн улсад зорчихгүй байхыг зөвлөлөө
Исламын Бүгд Найрамдах Иран Улсад 2025 оны 12 дугаар сарын 28-ны өдрөөс эхэлсэн жагсаал улам бүр өргөжиж, нөхцөл байдал хурцдаж магадгүй байгаа тул тухайн улсад зорчихгүй байхыг Монгол Улсын Гадаад Харилцааны яамнаас зөвлөлөө.
Иран Улсад болон ойролцоох бүс нутагт байгаа Монгол Улсын иргэн танд консулын туслалцаа, мэдээлэл зөвлөгөө хэрэгтэй бол:
- Гадаад харилцааны яамтай +976-72774444 дугаарын шуурхай утас, consul@mfa.gov.mn цахим шуудан;
- Монгол Улсаас Бүгд Найрамдах Турк Улсад суугаа Элчин сайдын яамтай +90-5340128408 дугаарын шуурхай утас болон ankara@mfa.gov.mn цахим шуудангаар тус тус холбогдохыг ГХЯ-наас зөвлөв.
Иранд үргэлжилж буй засгийн газрын эсрэг иргэдийн тэмцлийн үеэр амиа алдсан хүний тоо 500 давсныг хүний эрхийн байгууллагаас мэдээлээд байгаа юм.
Жагсаалын зургуудаас:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
