ДЦС-5 төслийн хувийн хэвшлийн түншлэгчийг сонгох шалгаруулалтад Шунхлай Холдинг, Чайна Уэстэрн Повер Индастриал зэрэг гурван компани багтжээ

Баянгол дүүргийн 20 дугаар хороо, ТЭЦ-2-ын өмнөх үнсэн савны байршилд 340 Гкал дулаан, 300 МВт цахилгаан үйлдвэрлэх хүчин чадалтай ТЭЦ-5 дулааны цахилгаан станцыг барихаар болоод буй. Энэ хүрээнд нийслэлээс ТЭЦ-5 төслийн зураг төсөл, төсвийг боловсруулах, барих, ашиглах, шилжүүлэх хэлбэрээр түншлэлийн гэрээ байгуулах хувийн хэвшлийн түншлэгчийг сонгох урьдчилсан шалгаруулалтыг тавдугаар сарын 26-ны өдөр зарлаж, дотоод, гадаадын найман аж ахуйн нэгж оролцох хүсэлтээ албан ёсоор илэрхийлснээс дөрвөн оролцогч саналаа ирүүлсэн билээ.

Эдгээр санал ирүүлсэн дөрвөн оролцогчийн дунд урьдчилсан шалгаруулалтыг Төр, хувийн хэвшлийн түншлэлийн тухай хууль, Засгийн газрын 2024 оны 210 дугаар тогтоолын 2 дугаар хавсралтаар батлагдсан Хувийн хэвшлийн түншлэгч болон зөвлөх үйлчилгээг сонгон шалгаруулах журам болон холбогдох баримт бичгийн дагуу зохион байгууллаа.

Урьдчилсан шалгаруулалтад дараах гурван оролцогч шаардлага хангаж, хураангуй жагсаалтад багтжээ. Үүнд:

1. “Шунхлай Холдинг” ХХК
2. “Митайм Интернэшнл” ХХК
3. “Чайна Уэстэрн Повер Индастриал” ХХК

Оролцогчдын дараагийн шатны шалгаруулалтын баримт бичгийг өнөөдөр хүлээж авсан бөгөөд 30 хоногийн дотор төслийн саналаа бэлтгэж ирүүлэх юм гэж НЗДТГ-ын хэвлэлийн хэлтсээс мэдээлэв.

Тус сонгон шалгаруулалтаас “Пан-Чайна Констракшн групп” ХК хасагдсан байна.