Ш.Энхийн-Од Өмнөд Каролинаг сонголоо

Хойд Америкийн сагсан бөмбөгийн оюутны дээд лигт данстай анхны монгол тоглогч Ш.Энхийн-Од дөрөв дэх улирлаа өнгөрүүлэх багаа сонголоо.

Дэйтоноос гараагаа эхлүүлж, Сан Франциско болон Ютагийн их сургуульд тус бүр нэг улирал тоглосон Майк энэ удаад Өмнөд Каролинад тоглохоор болжээ. 

Ингэснээр Майк Меечи Жогсон, Элижа Стронг, Коби Нокс, Крис Эссандоко нарын хамт солилцооны цонхоор тус багт очиж байна. Тэрбээр эдгээр тоглогчдоос хамгийн өндөр үнэлгээтэй нь юм.

Өмнөд Каролинаг сонгохоо мэдэгдээд байсан Трэйсон Ийглстафф багт элсэх шийдвэрээсээ татгалзсанаа зарласны дараа багийн удирдлагууд Майкийг эгнээндээ элсүүлснээ мэдэгдэв. 

Эх сурвалж: SI