Х.Нямбаатар: ТЭЦ-5 дулааны цахилгаан станц 300МВт эрчим хүч үйлдвэрлэнэ
Дулааны тавдугаар цахилгаан станц төслийг нийслэл дангаараа хэрэгжүүлэх бөгөөд хүчин чадлын талаар өнөөдөр мэдээллээ.
Хотын дарга Х.Нямбаатар "ТЭЦ-5 дулааны цахилгаан станцын төслийг нийслэл хот гардан хэрэгжүүлэхээр бэлтгэлийг хангаж байна.
Хуучин ДЦС-2-ын дулаан хангамжийн хүчин чадал Таван шар орчмоор хязгаарлагддаг. 24МВт цахилгаан эрчим хүч үйлдвэрлэдэг бол уг цахилгаан станцтай зэргэлдээ баригдах ТЭЦ-5 нь 300МВ эрчим хүч, 360ккал/ц уур үйлдвэрлэх хүчин чадалтай дулааны болон цахилгааны эх үүсвэр болох юм" гэв.
Тэрбээр өнөөдөр болсон Улаанбаатар хотын агаарын бохирдлыг бууруулах, дэд бүтцийн төсөл арга хэмжээг хэрэгжүүлэх Шуурхай штабын V хуралдаанд ТЭЦ-5 дулааны цахилгаан станцын төслийг танилцуулж, шийдлээ тохирчээ.
УБЕГ-аас ТЭЦ-5 дулааны станц орон нутгийн өмчит компанийнхаа нэрийг авсан болохыг өмнө нь мэдээлж байсан юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
