ҮЙЛ ЯВДАЛ: “Баярлалаа багшаа” аяны тухай мэдээлэл өгнө

Мишээл экспо төвд

"Эрүүл мэндийн технологи-Олон улсын экспо-2024" олон улсын эрүүл мэндийн салбарын үзэсгэлэн худалдаа зохион байгуулагдана.

"Shangri-La" зочид буудлын хурлын танхимд

09:00-13:00 цагт Дотоод хэргийн их сургуулийн түүхт 90 жилийн ойн арга хэмжээний хүрээнд “Хууль сахиулах боловсрол: өнгөрсөн, одоо, шинэ үе” сэдэвт олон улсын эрдэм шинжилгээний хурал зохион байгуулагдана.

Төрийн ордонд

10:00 цагт УИХ-ын ээлжит чуулганы нэгдсэн хуралдаан болно. 

“Монгол ньюс” мэдээллийн төвд

11:00 цагт “Хувийн таксиг таван саяар торгож, хорих биш, нэгдсэн зохион байгуулалтад оруулж, дэмжих ёстой” сэдвээр Нийслэлийн Ардчилсан намаас хэвлэлийн хурал зохион байгуулна.

Сүхбаатарын талбайд

12:00 цагт Монгол такси компанийн захирал Э.Тэмүүжин хувийн таксиг таван сая төгрөгөөр торгохын оронд тодорхой зохион байгуулалтад оруулбал түгжрэлийг 40 хувь буурах тухай мэдээлэл хийнэ.

“Үндэсний мэдээллийн төв”-д

11:00 цагт Оёдлын холбооноос санаачлан Боловсролын ерөнхий газар болон Жижиг, дунд үйлдвэрийн газраас зохион байгуулж буй “Баярлалаа багшаа” аяны тухай мэдээлэл өгнө.

11:30 цагт Гэр хорооллын хөгжлийн намаас Орон нутгийн сонгуультай холбоотойгоор мэдээлэл хийнэ.

12:00 цагт Хүн алахыг завдсан, мафижсан, рекетчин бүлэглэл Орон нутгийн сонгуульд нэр дэвшиж байгаа тухай иргэдээс баримттайгаар мэдээлнэ.

Улсын II төв эмнэлэгт

13:00 цагт Монголд оношилж, эмчилдэггүй өвчний эмчилгээг эх орондоо нэвтрүүлж, нутагшуулах зорилгоор БНХАУ-ыг зорих гэж буй эмч нарын ээлжит багийнхныг Эрүүл мэндийн сайд Т.Мөнхсайхан хүлээн авч уулзана.

"Corporate hotel and Convention centre"-д

14:00-17:00 цагт Улаанбаатар хотын худалдааны танхим, Нийгмийн эрүүл мэндийн Үндэсний төв хамтран “Эрүүл хүнс, нийтийн хоол” сэдэвт бизнес уулзалт зохион байгуулна.