Нүүрсний олборлолт, тээвэрлэлт, экспорттой холбоотой Ерөнхий хяналтын сонсгол эхэлсэн ч маргааны улмаас түр завсарлав
11:01 2022/12/21
ШУУД ҮЗЭХ:
Иргэдийн хувьд олон танхимд хуваагдахгүйгээр нэг танхимд сууж, сонсголыг зохион байгуулах шаардлагыг тавьж буй.
УИХ-ын гишүүн С.Чинзориг "Нэг танхимд дарга сайд нар, нөгөө танхимд иргэд суусан байна гэж шүүмжилж байгаа бол 15 минут түр завсарлаад танхимынхаа хуваарилалтыг өөрчилье" гэлээ.
Харин УИХ-ын гишүүн Т.Доржханд "Иргэдийн гаргаж байгаа санал зөв. Төрийн ордны их танхимд сонсголыг зохион байгуулах санал гарч байсан. Гэвч холбогдох байгууллагын хүмүүс танилцуулга хийх гэхээр дэлгэцийн асуудал тулгамдаж байсан. Дэлгэцийн асуудалгүйгээр сонсгол зохион байгуулах талаар ярилцаж болно.
Одоо зохион байгуулж буй танхимдаа бүх хүмүүс орж ирээд, гишүүд ард зогсоод сонсголоо зохион байгуулъя" гэсэн юм.
10:04 2022/12/21
Нүүрсний экспорт, тээвэрлэлттэй холбоотой асуудлаар холбогдох эрх бүхий байгууллагуудын тайлан, мэдээлэлтэй танилцах ерөнхий хяналтын сонсгол Төрийн ордонд эхэллээ.
Ерөнхий хяналтын сонсголыг УИХ-ын гишүүн С.Чинзориг даргалж байна. Хуралдааны эхэнд сонсголтой холбоотойгоор иргэд бухимдлаа илэрхийлэв. Тэдний зүгээс иргэдийг үг хэлүүлэхгүй байна, сонсголыг нэг танхимд зохион байгуулах ёстой гэсэн санал хэлсэн юм. Харин УИХ-ын гишүүн С.Чинзориг "Ажлын хэсэг хуралдаж, сонсголыг Төрийн ордны их танхимд зохион байгуулахтай холбоотой асуудлыг хэлэлцэнэ. 10 минутын завсарлага өгье" гэв.
Маргаантай холбогдуулан УИХ-ын гишүүн С.Одонтуяа "Хөтөлбөрийн дагуу иргэд 17:00 цагаас асуулт асуух байсан ч ажлын хэсэг орой хуралдаад, УИХ-ын гишүүдийг иргэдтэй ээлжлүүлж үг хэлүүлье гэдэг дэг гарсан. Тиймээс ингэж их бухимдах хэрэггүй. АН-ын бүлэг Соёлын төв өргөөнд уг хэлэлцүүлгийг хийе гэсэн ч боломжгүй байсан. Дөрвөн танхимд хоорондоо холбогдож байгаа" гэлээ.
Уг сонсголд УИХ-ын гишүүдээс гадна 298 хүн оролцох хүсэлтээ ирүүлсэн байна. Үүнээс 34 иргэн тухайн асуудлаар өөрийнх нь эрх ашиг хөндөгдөж буй учир үг хэлэх хүсэлт хүргүүлжээ.
11:01 2022/12/21
ШУУД ҮЗЭХ:
Иргэдийн хувьд олон танхимд хуваагдахгүйгээр нэг танхимд сууж, сонсголыг зохион байгуулах шаардлагыг тавьж буй.
УИХ-ын гишүүн С.Чинзориг "Нэг танхимд дарга сайд нар, нөгөө танхимд иргэд суусан байна гэж шүүмжилж байгаа бол 15 минут түр завсарлаад танхимынхаа хуваарилалтыг өөрчилье" гэлээ.
Харин УИХ-ын гишүүн Т.Доржханд "Иргэдийн гаргаж байгаа санал зөв. Төрийн ордны их танхимд сонсголыг зохион байгуулах санал гарч байсан. Гэвч холбогдох байгууллагын хүмүүс танилцуулга хийх гэхээр дэлгэцийн асуудал тулгамдаж байсан. Дэлгэцийн асуудалгүйгээр сонсгол зохион байгуулах талаар ярилцаж болно.
Одоо зохион байгуулж буй танхимдаа бүх хүмүүс орж ирээд, гишүүд ард зогсоод сонсголоо зохион байгуулъя" гэсэн юм.
