О.Цогтгэрэл: Казахстан улсад орон сууцны хороолол бариулж байгаа хүн хэн бэ гэдгийг хуулийн байгууллага тодруулах байх

Гэрэл зургийг MPA агентлагийн онцгой зөвшөөрөлтэйгөөр ашиглав

Тавантолгой компанид хэлтсийн даргаар ажиллаж байсан хүн Казахстан улсад орон сууцны хороолол барьж байгаа талаар УИХ-ын гишүүн О.Цогтгэрэл мэдээлсэн. 

Тэгвэл энэ хүн хэн болохыг тодруулсан асуултад тэрбээр "Хэн орон сууцны хороолол барьж байгааг мэдэх хүмүүс нь мэдэж байгаа. Аяндаа тодорхой болох байх.

"Эрдэнэс Тавантолгой” компанид хэлтсийн даргаар ажиллаж байсан нэр бүхий иргэн түүний хамаарал бүхий этгээдүүд Казахстан улсад орон сууцны хороолол барьж байна гэдэг мэдээлэл явж байгаа. Хуулийн байгууллага тодруулах байх" хэмээн хэвлэлд ярьжээ. 

Гишүүний хэлсэн орон сууцны хороолол барьж буй тухайн хүн нь "Эрдэнэс Тавантолгой” ХК-ийн Дотоод хяналт, эрсдэлийн удирдлагын газрын захирал Х.Нурлат болох талаар зарим хэвлэл мэдээлээд байна. 

Ташрамд дурдахад, Эдийн засаг, хөгжлийн сайд Ч.Хүрэлбаатар энэ сарын 5-нд нүүрстэй холбоотойгоор эрүүгийн хэрэг үүсгэсэн хүмүүсийн нэрийг зарлах үед Х.Нурлат багтаж байв.