Моносын уулзвараас Эмээлт хүртэлх авто зам дагуу гэрэлтүүлгийн 136 шонг ажиллагаанд оруулжээ
Нийслэлийн Сонгинохайрхан дүүргийн 32 дугаар хорооны нутаг дэвсгэр, Моносын уулзвараас Эмээлт хүртэлх авто замын гэрэлтүүлгийн ажлыг 2026 оны наймдугаар сарын 5-ны өдрөөс эхлүүлээд буй.
Ажил гүйцэтгэгч "Нийслэлийн баруун бүсийн зам засвар, арчлалтын газар" ОНӨААТҮГ-аас мэдээлснээр жлын хүрээнд нийт 684 ширхэг гэрэлтүүлгийн шонгийн анкер суурийг суурилуулж, 136 ширхэг гэрэлтүүлгийн шонг угсарч, асаажээ.
Цаашид гэрэлтүүлгийн толгой, нарны зайн хавтан болон бусад дагалдах тоног төхөөрөмжийг суурилуулах ажлыг үе шаттайгаар үргэлжлүүлэн гүйцэтгэхээр ажиллаж байгааг мэдээлэв.
Моносын уулзвараас Эмээлт хүртэлх авто зам дагуу гэрэлтүүлэгтэй болгох ажлыг энэ онд дуусгах төлөвлөгөөтэй бөгөөд нийслэлийн Замын сангийн хөрөнгөөс ₮3.3 тэрбумыг зарцуулахаар баталсан байна.
Нийслэлийн Замын сангийн хөрөнгө нь авто тээврийн хэрэгслийн татвар, зам ашигласны төлбөр зэргээс бүрддэг билээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
