Энэ удаагийн арга хэмжээнд 300 гаруй удирдах албан тушаалтан болон хүний нөөцийн менежерүүд ирж оролцсон бөгөөд “HR Event” арга хэмжээ нь бизнесийн салбарын шилдэг багш болон экспертүүдийг зочноор урьж зөвхөн хүний нөөц, хөдөлмөрийн зах зээлээр зогсохгүй, мөн бизнесийн орчинд хамааралтай хамгийн сүүлийн үеийн онол, практик, олон улсын үйл явцыг танилцуулсан сургалт, хэлэлцүүлгүүд өрнүүлдгээрээ онцлог билээ.
Арга хэмжээнд Zangia.mn-ийн Үүсгэн байгуулагч, Захирал Т.Баяр харилцагч байгууллагуудынхаа бизнесүүдийг холбох, бизнесийг дэмжих, сурталчлан таниулах зорилгоор нэвтрүүлж буй Zangia B2В төслийг арга хэмжээнд хүрэлцэн ирсэн зочдод танилцуулсан юм.
Мөн зочин илтгэгчээр Мандал Санхүүгийн Нэгдэлийн ТУЗ-ийн дарга Ө.Ганзориг "Менежментийн Психологи” сэдвээр сургалт орлоо.