ИХ НАС: Баянхонгор аймгийн Баацагаан сумын харьяат С.Энхтөрийн дүүгүүр хээр хүлэг түрүүлэв

Их нас: түрүү морь 2022.07.11

Ардын хувьсгалын 100, 101 жилийн ой, Үндэсний их баяр наадмын хурдан Их нас насны морьд барианд орлоо.

Уралдаанд 423 их нас бүртгүүлснээс 330 нь шандас сорьсон юм.

Түрүү магнайд: Баянхонгор аймгийн Баацагаан сумын харьяат Сүрэнжавын Энхтөрийн дүүгүүр хээр хурдаллаа. Хурдан хүлгийг 171 дугаартай, 11 настай Э.Ганбат уналаа.

 

Их нас: аман хүзүү, айргийн гурав 2022.07.11

Аман хүзүүд:  Говь-Алтай аймгийн Халиун сумын харьяат , Монгол улсын Манлайуяач Гантөмөрийн Чинзоригийн халтар их нас давхиж, найман настай, 595 дугаартай А.Ууганбаатар унаж хоёрт орж ирлээ.

Айргийн гуравт: Завхан аймгийн Тосонцэнгэл сумын харьяат, Монгол Улсын Тод манлай уяач Төмөрбаатарын Галбадрахын хонгор халзан хүлэг барианд орлоо. Уг хүлгийг 209 дугаартай, 11 настай Н.Билэгтсайхан хурдлууллаа.

 

Их нас: айргийн дөрөв 2022.07.11

Айргийн дөрөвт: Орхон аймгийн Баян-Өндөр сумын харьяат Цэдэндамбын Эрдэнэбаярын Бор халзан хүлэг хурдлав. Хүлгийг 519 дугаартай, есөн настай Л.Билэгбаатар унаж хурдлуулав.

 

Их нас: айргийн тав 2022.07.11

Айргийн тавд: Говь-Алтай аймгийн Шарга сумын харьяат, Монгол Улсын Тод манлай уяач Хадбаасангийн Бат-Эрдэнийн халиун хүлэг хурдаллаа. Халиун зүсний хурдан их насыг 77 дугаартай, 9 настай Т.Энгүүн хүү унажээ.

Түүнчлэн,

Зургаад: Говь-Алтай аймгийн Бигэр сумын харьяат Л.Доржийн бор давхар,

Долоод: Төв аймгийн Сүмбэр сумын харьяат Г.Нямбатын халтар халзан,

Наймд: Баянхонгор аймгийн Бууцагаан сумын харьяат И.Золбоогийн зээрд таван хошуу,

Аравт: Баянхонгор аймгийн Бууцагаан сумын харьяат Б.Батсанаагийн хээр тус тус хурдаллаа.