Г.Амартүвшин: Хөгжлийн Банкны асуудалд нэр холбогдсон УИХ-ын гишүүдийг бүрэн эрхээсээ түдгэлзэж, шалгуулахыг уриалж байна

Гэрэл зургийг MPA.mn

УИХ-ын гишүүн Г.Амартүвшин бүрэн эрхээсээ түдгэлзэх хүсэлтээ УИХ-ын даргад гаргаж буйгаа мэдэгджээ.

Тэрбээр мэдэгдэлдээ "Миний бие өөрийн хүсэлтээр УИХ-ын гишүүний бүрэн эрхээсээ түдгэлзэх хүсэлтээ гаргаж байна.

Мөн Хөгжлийн Банкны асуудалд нэр холбогдсон УИХ-ын гишүүдийг иргэн хүний нэгэн адил шалгуулах шаардлагыг би бүрэн дэмжиж байна.

Уг банкны асуудалтай нэр холбогдсон гишүүдийг бүрэн эрхээсээ түдгэлзэж, иргэний хувиар шалгуулан эцэслэн шийдвэрлүүлэхийг уриалж байна" гэжээ.

Түүний хүсэлтийг УИХ-ын чуулганаар хэлэлцэж шийдвэрлэх учиртай. Хөгжлийн Банкнаас зээл авсан асуудалд 

1. УИХ-ын гишүүн Г.Дамдинням
2. УИХ-ын гишүүн Г.Амартүвшин
3. УИХ-ын гишүүн Х.Ганхуяг
4. УИХ-ын гишүүн С.Бямбацогт
5. УИХ-ын гишүүн асан М.Билэгт
6. УИХ-ын гишүүн асан А.Сүхбат
7. Барилга, хот байгуулалтын дэд сайд асан Ш.Лхамсүрэн 
8. НИТХ-ын төлөөлөгч асан Ш.Үнэнбат нар холбогдоод буйг МАН-аас зарласан билээ.