Уншиж байна ...
Зураг
Зураг
ХУУЧИРСАН МЭДЭЭ: 2021/10/25-НД НИЙТЛЭГДСЭН

Европын цахим кино наадам 2021 эхэллээ

ikon.mn
2021 оны 10 сарын 25
Сурталчилгаа
Зураг зураг

Энэхүү наадам нь жил бүр зохион байгуулагддаг бөгөөд Европын шилдэг кино бүтээлүүдээр дамжуулан Европын соёлын онцлог, олон ургалч байдал, үнэт зүйлсийг харуулахыг зорьдог юм.

Европын Холбооны гишүүн орнуудын Элчин сайдын яамдтай хамтран зохион байгуулдаг энэхүү кино наадам нь та бүхнийг Европын кино ертөнцөөр 10-р сарын 25-наас 11-р сарын 21-ний өдрүүдэд аялуулах болно.

Наадмын хүрээнд Санденс, Канн, Венец зэрэг нэр хүндтэй олон улсын кино наадмуудаас шагнал хүртсэн 16 бүтээлийг толилуулах бөгөөд festivalscope.com/page/euff-mongolia/ цахим хуудаснаас 2021 оны 10 сарын 25-ны өдөр буюу өнөөдрөөс эхлэн үзэх боломжтой.

 

Эдгээр бүтээлүүдээс 13 киног монгол дуу оруулалттай, 3 киног монгол хадмал орчуулгатай, 9 киног англи хадмал орчуулгатайгаар хүлээн авч үзээрэй.

Үзэгчид энэхүү кино урлагийн бүтээлүүдээр дамжуулан залуу нас ба төлөвшилт, өнгөрсөн ба орчин цаг, гэр бүлийн үнэ цэнэ, ганцаардал, зөрчилдөөн, итгэл найдвар зэргийг мэдрэх болно.

Дэлгэрэнгүй мэдээллийг Төлөөлөгчийн газрын вэб хуудас europa.eu/delegations/mongolia болон олон нийтийн мэдээллийн сувгуудаар зочлон үзнэ үү:

facebook.com/EUinMongoliatwitter.com/EUinMongolia,

twitter.com/EUAmbMNGinstagram.com/euinmongolia/

 

ikon.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.