Хоёр дахь удаагийн эл хөтөлбөрийн санхүүжилтийн эх үүсвэрийн талаар Сангийн сайд Ч.Хүрэлбаатар дараах мэдээллийг өглөө.
"Ерөнхий сайдын мэдэгдсэнчлэн Засгийн газраас хоёр тогтоол хамтад нь баталж байгаа. Цар тахлын үед эдийн засгийн арга хэмжээ авахаар баталсан хуулиар ямар нэгэн арга хэмжээ авахад эх үүсвэрийг давхар гаргах учиртай.
Энэ жил Монгол Улсад Залуучуудын ногоон наадам болох байсан. Манай тамирчид Токиогийн зуны олимпод оролцох байсан. Сургууль, цэцэрлэгийг хаасантай холбоотой болон зарим тусгай сангийн зардлыг хэмнэж байгаа.
Мөн Өрийн удирдлагын тухай хуулийн заалтын дагуу зарим өрийг хойшлуулах гэрээ хэлцэл явсан тул төлөгдөх зээл, хүүгийн төлбөрийг гаргана. Мөн төсөвт байгууллагын хэмнэж болох зардлаас гаргахаар болсон.
Төсвийн хөрөнгө оруулалтын зардлууд хасагдахгүй. Урсгал зардлын хэмнэлт буюу цар тахлаас хөл хөдөлгөөн хумигдсанаас хэмнэгдэж байгаа зардлуудаас гаргана.
Ерөнхий сайдын хэлсэн 4 арга хэмжээ нийт 793 тэрбум төгрөг. Үүнээс 593 тэрбум нь халамж, хүүхдийн мөнгөнд, 200 тэрбум нь ноолуурын урамшуулалд зарцуулагдана" гэлээ.
Энэ үеэр тэрбээр сэтгүүлчдийн асуултад хариулахдаа дараах мэдээллүүдийг өгсөн юм.
Видео: