• 11 сарын 23, Бямба
|
Уншиж байна ...
ХУУЧИРСАН МЭДЭЭ: 2020/03/16-НД НИЙТЛЭГДСЭН

Б.Атарбаяр: “Тэнгэрийн тойрог” төсөлд төсвөөс нэг ч төгрөг гаргаагүй

Г.Номин, iKon.mn
2020 оны 3 сарын 16
iKon.MN
Зураг зураг
Гэрэл зургийг mpa.mn

Хотын төв буюу Их тойруугийн диаметр 4 км хүрэхгүй боловч замын хөдөлгөөний  нягтрал ихсэж, тээврийн хэрэгслийн дундаж хурд 5 км/цаг болоод байна.

Тиймээс “Тэнгэрийн тойрог” төслийг хэрэгжүүлэх болсныг Зам тээврийн хөгжлийн сайд Б.Энх-Амгалан өнгөрсөн долоо хоногт мэдээлсэн.  

Тэнгэрийн тойрог зам нь 6-12 м өндөрт 13 км урттай, хоёр урсгал, дөрвөн эгнээтэй, төлбөртэй, 27 орох, гарах цэгтэй байх ажээ.

Видео танилцуулга:

Уг гүүрэн замын дагуу нийтийн тээврийн шугамыг давхар ашиглах бололцоотой. Төслийн нийт хөрөнгө оруулалт 800 сая ам.доллар бөгөөд барилгын ажил гурван жил үргэлжлэх юм байна.

Нэг тээврийн хэрэгслээс нэг ам.доллар буюу км тутамд 15 центийн хураамж авч зургаан жилийн дотор зээл болон зээлийн хүүгээ нөхнө гэсэн тооцоо гарсныг Зам тээврийн сайд хэлж байв.
 
Гэрэл зургийг mpa.mn

Харин Төслийн санаачлагч, Монгол Улсын зөвлөх инженер Б.Атарбаяр "Концессын гэрээгээр барих, ашиглах, шилжүүлэх нөхцлөөр улсын төсвөөс ямар нэгэн санхүүжилтгүйгээр "Тэнгэрийн тойрог" төсөл хэрэгжих юм. Өнөөдөр мэдээлэл хийж, иргэдийн дунд буруу ташаа мэдээлэл тархаж байгааг залруулж байна" гээд мэдэгдлээ танилцууллаа.