С.Мөнхчулуун, Ц.Сандуй нарын МАН-аас хөөгдөх болсон шалтгаан
МАН-ын Хяналтын Ерөнхий Хороо өчигдөр хуралдаж Ц.Сандуй, С.Мөнхчулуун нарыг МАН-ын гишүүнчлэлээс түдгэлзүүлсэн тухай мэдээлэгдээд буй.
Эдгээр гишүүнийг хөөх болсон шалтгааныг МАН-ын холбогдох албаны хүн "Ц.Сандуй нь МАН-ын нэр хүндийг унагаах 60 тэрбумын бичлэгт байсан хүн бөгөөд 60 тэрбумын схемийг хамтран санаачилж ажил хэрэг болгохоор төлөвлөн намын удирдлагадаа танилцуулсан ёс зүйгүй үйлдэл гаргасан учраас ийнхүү намаас түдгэлзүүлэх шийдвэр гаргасан.
Харин С.Мөнхчулууны тухайд хамаарал бүхий этгээд болох төрсөн дүү нь хар тамхи, мөрийтэй тоглоом зэрэг удаа дараа хууль бус үйлдлүүдэд холбогдсон учраас мөн намаас түдгэлзүүлэх болсон" гэв.
Нийслэлийн Иргэдийн Төлөөлөгчдийн Хурлын дарга асан Ц.Сандуй нь "60 тэрбумын" гэх бичлэгийн үеэр өөрийн биеэр байсан, ийм яриа болсныг хүлээн зөвшөөрч ярилцлага өгсөн удаа бий.
