“KFC-ТЭЙ ХАМТ МЭДЛЭГЭЭ ДҮҮРГЭЕ” тэтгэлгийн эзэд тодорлоо
KFC брэнд ДҮҮРГЭ кампанит ажлынхаа хүрээнд оюутан залуучууддаа хичээлийн 1 жилийн сургалтын төлбөрийн дэмжлэг олгох “KFC-ТЭЙ ХАМТ МЭДЛЭГЭЭ ДҮҮРГЭЕ” хөтөлбөрийн шилдэг оюутнууд батламжаа 8-р сарын 18-ний өдөр гардан авлаа.
Дөрөв дэх жилдээ зохион байгуулж буй тус тэтгэлэгт хөтөлбөр МЭРГЭЖИЛ ХАРГАЛЗАХГҮЙ өргөн цар хүрээнд зохион байгуулагдсанаараа онцлогтой.
Тэтгэлэгт хөтөлбөрийн сонгон шалгаруулалтыг 2 үе шаттайгаар явуулж, МУИС, СЭЗИС, ШУТИС, АШУҮИС, Отгонтэнгэр, Сити зэрэг дотоодын их, дээд сургуулийн 300 гаруй оюутан материалаа ирүүлж, өрсөлдсөнөөс шилдэг 20 сурагч ийнхүү бүтэн 1 жилийн сургалтын төлбөрийн эзэд болоод байна. Хөтөлбөрөөр оюутан залуусын сурах эрмэлзэл, гаргасан амжилт зэргийг харгалзан дүгнэж шилдэг 20 оюутантай ганцаарчилсан ярилцлага хийж шилдгүүдээ дүгнэжээ.
"KFC-ТЭЙ ХАМТ МЭДЛЭГЭЭ ДҮҮРГЭЕ" тэтгэлэгт материалаа илгээсэн нийт оюутнууд болон шалгарсан шилдэг оюутнуудад хичээлийн өндөр амжилт хүсье!
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
