₮26.2 тэрбумын төсөвт өртөгтэй 30 дугаар сургуулийн шинэ байрны барилга угсралтын ажил 76 хувьтай байна
Баянзүрх дүүргийн 41 дүгээр хорооны нутаг дэвсгэрт байрлах 30 дугаар сургуулийн А байрыг буулгаж, шинэ сургууль барих ажил 2024 оноос эхэлжээ.
Өнөөдрийн байдлаар 960 хүүхдийн суудалтай, сургуулийн шинэ барилга угсралтын ажил 76 хувийн гүйцэтгэлтэй үргэлжилж байгааг албаныхан мэдээлэв. Тодруулбал барилгын гадна цахилгааны дэд өртөөний барилга угсралт, дотор засал, цахилгаан холболтын ажлуудыг "Вижн Доулпмент" компани гүйцэтгэж байгаа аж.
Нийслэлийн төсвийн хөрөнгө оруулалтаар баригдаж буй сургуулийн барилга нь 8,545 м.кв талбайтай, 4 блок бүхий байхаар төлөвлөгджээ.
Тус ерөнхий боловсролын сургууль 1966 онд байгуулагдаж, хичээлийн А байр нь 540 хүүхдийн багтаамжтай байжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
