Украины скелетонч Владислав Гераскевичийн дайнд амь насаа алдсан тамирчдын дурсгалд зориулсан дуулгыг хоригложээ
Украины скелетоны тамирчин Владислав Гераскевичийн олимпын тэмцээний өмнөх бэлтгэл дээр дайнд амь насаа алдсан тамирчдын дурсгалд зориулсан дуулгатай оролцсон нь олны анхаарлыг татсан юм.
Өдгөө 27 настай, гурав дахь олимпод оролцохоор бэлдэж буй В.Гераскевичийг тамирчдын хотхондоо амарч байхад нь дуулгыг нь хориглосон талаар Олон Улсын Олимпын Хороо (ОУОХ)-ны төлөөлөгч Тошио Цүрүнага мэдэгджээ. Мөн энэ талаар Украины Үндэсний Олимпын Хороо (ҮОХ)-д албан ёсоор бичиг хүргүүлсэн байна.
Олимпын дүрмийн 50.2 дахь заалтад "Олимпын үйл ажиллагаанд улс төр, шашин шүтлэг, элдэв жагсаал цуглаанд уриалахыг хориглоно" гэж заасныг В.Гераскевичид сануулсан байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
