“ЛэндМН ББСБ” ХК Хувьцаа эзэмшигчдэдээ 2025 оны цэвэр ашгаас ногдол ашиг хуваарилахаар боллоо

“ЛэндМН ББСБ” ХК (MSE:LEND) нь нээлттэй хувьцаат компани болсон цагаасаа эхлэн 11,000 гаруй хувьцаа эзэмшигчдийнхээ эрх ашгийг хамгаалж, тогтмол ногдол ашиг хүртээж, засаглалын хувьд нээлттэй, ил тод байхад үргэлж анхаарч ирсэн билээ. Бид хувьцаа эзэмшигчдийнхээ санал бодлыг чөлөөтэй хүлээн авч, Компанийн цаашдын зорилго, үйл ажиллагаандаа тусган ажиллахыг эрмэлздэг.

Бид 2025 онд LendMN аппликейшнээр дамжуулан 1.9 сая удаагийн зээлийг иргэд болон жижиг, бичил дунд бизнес эрхлэгчдэд амжилттай олгож, тэдний өдөр тутмын санхүүгийн хэрэгцээг шуурхай хангахын зэрэгцээ бизнесийн үйл ажиллагаа, өсөлт хөгжил, тогтвортой байдлыг бодитоор дэмжин ажиллалаа. Үүний үр дүнд 2025 онд Компанийн зээлийн багц 37%, цэвэр ашиг 11% өсөж, өөрийн хөрөнгийн өгөөж 46%-д хүрээд байна.

Төлөөлөн удирдах зөвлөлийн зүгээс ногдол ашиг авах эрхтэй Компанийн хувьцаа эзэмшигчдийн нэрсийн жагсаалт гаргах бүртгэлийн өдрийг Монгол Улсын холбогдох хууль тогтоомжийн дагуу 2026 оны 02 дугаар сарын 27-ны өдөр байхаар тогтоожээ. 

Бид харилцагчдынхаа өсөлт, тогтвортой байдлыг дэмжсэн шийдлүүдийг тасралтгүй гаргаж, хүртээмжтэй санхүүжилтийг бий болгож, урт хугацааны үнэ цэнийг хамтдаа бүтээх зорилготой бөгөөд бидний энэхүү зорилгыг үргэлж дэмжиж байдаг нийт хувьцаа эзэмшигчид, хөрөнгө оруулагчид, эрхэм түншүүд, үнэнч харилцагчид Та бүхэндээ гүн талархал илэрхийлье.  

Хүндэтгэсэн, 
“ЛЭНДМН ББСБ” ХК