Аравдугаар сарын 7-16 хүртэлх 10 хоногийн цаг агаарын урьдчилсан төлөвийг Цаг уур, орчны шинжилгээний газраас мэдээллээ.
Аравдугаар сарын 8, 9, 10-нд газар тариалангийн бүс нутгаар нойтон цас орж, нутгийн хойд хэсгээр бага зэрэг хүйтрэх боловч бусад нутгуудаар дулаахан байх юм байна.
Дулаан өдрүүд 13-ныг хүртэл буюу энэ долоо хоног дуустал үргэлжлэх бол 14-нөөс ихэнх нутгаар хүйтрэхийг анхаарууллаа.
Хур тунадас:
- Аравдугаар сарын 8-нд Алтай, Хангай, Хөвсгөлийн уулархаг нутгаар
- Аравдугаар сарын 9-нд Хараа, Ерөө, Туул голын хөндий, Хэнтийн уулархаг нутгаар
- Аравдугаар сарын 13-нд Монгол Алтай, Хангай, Хөвсгөлийн уулархаг нутгаар
- Аравдугаар сарын 14, 15-нд Баруун болон Төвийн нутгийн зарим газраар хур тунадас орж салхи, шуургатай байна.
Салхи, шуурга:
- Аравдугаар сарын 8-нд нутгийн зарим газраар
- Аравдугаар сарын 9-нд нутгийн зүүн хэсгээр
- Аравдугаар сарын 10-нд нутгийн хойд хэсгээр
- Аравдугаар сарын 14, 15-нд говь, тал, хээрийн нутгаар секундэд 16-18 метр хүрч ширүүснэ.
Агаарын температур:
- Аравдугаар сарын 8,9,10-нд нутгийн хойд хэсгээр хүйтрэх боловч бусад нутгаар дулаахан байна. Дархадын хотгор, Алтай, Хангай, Хөвсгөл, Хэнтийн уулархаг нутаг, Хүрэн бэлчир, Идэр, Тэс голын хөндийгөөр шөнөдөө 4-9 градус хүйтэн, өдөртөө 1-6 градус дулаахан байх бол томоохон голын хөндийгөөр шөнөдөө 1-6 градус хүйтэн, өдөртөө 5-10 градус дулаан байна. Говийн бүс нутгийн өмнөд хэсгээр шөнөдөө 5-10 градус, өдөртөө 13-18 градус дулаахан байх бол бусад нутгийн хувьд шөнөдөө 2 градус хүйтнээс 3 градус дулаан, өдөртөө 10-15 градусын дулаан байх төлөвтэй байна.
- Аравдугаар сарын 14-нээс нийт нутгаар хүйтэрнэ.
Улаанбаатар хот
- Аравдугаар сарын 9-нд ялимгүй хур тунадас орно бусад хугацаанд хур тунадас орохгүй.
- Салхи ихэнх хугацаанд секундэд 5-10 метр байна. Аравдугаар сарын 9, 13-ны өдрүүдэд салхи баруун өмнөөсөө хойш эргэж секундэд 12-14 метр хүрч ширүүснэ.
- Агаарын температурын хувьд шөнөдөө 2 градус хүйтнээс 3 градус дулаан, өдөртөө 10-15 градус дулаахан байх бол 14-нөөс хүйтэрч шөнөдөө 5-10 градус, өдөртөө 0-5 градус хүйтэн байна. Аравдугаар сарын 9,10-ны өдрүүдэд өмнөх өдрүүдээсээ бага зэрэг хүйтэн байна.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!