ХУУЧИРСАН МЭДЭЭ: 2023/09/15-НД НИЙТЛЭГДСЭН
Зургаан сарын хугацаанд 2,486 хүн нохойд хазуулжээ
iKon.MN
Гэрэл зургийг MPA агентлагийн онцгой зөвшөөрөлтэйгөөр ашиглав
Энэ оны эхний зургаан сарын байдлаар нохойд хазуулсан 2,486 тохиолдол бүртгэгдсэнийг Нийгмийн Эрүүл Мэндийн Үндэсний Төв (НЭМҮТ)-өөс мэдээллээ.
Эдгээр иргэний 57.1 хувь нь гудамж, зам талбайд явахдаа нохойд хазуулж, гэмтжээ. Насны ангиллаар харвал
- 0-9 насны хүүхэд 26.2 хувь
- 10-19 насныхан 19.2 хувь нохойд хазуулсан байна.
Иймд олноороо цугларсан нохдоос холуур явах, гудамжаар нохойтой явахдаа хошуувч болон хүзүүвч хэрэглэж, хөтөлж явах, уяатай нохойд хүрэхгүй байх, нохойд хазуулсан бол яаралтай эмнэлэгт хандах, вакцины тундаа хамрагдахыг эмнэлгийн байгууллагаас зөвлөж байна.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
