Уншиж байна ...
Зураг
Зураг
ХУУЧИРСАН МЭДЭЭ: 2022/10/05-НД НИЙТЛЭГДСЭН

Хүүхдийг автобусанд суулгалгүй орхисон жолоочийн цалинг 30 хувь бууруулж, гурван сар ажиллуулаагүй гэжээ

Б.Бадамгарав, IKon.mn
2022 оны 10 сарын 5
iKon.MN
Зураг зураг
unuudur.mn website хуудсанд нийтлэгдсэн бичлэгээс авав

Нийтийн тээврийн автобусанд суухаар гүйж буй сурагчийн бичлэг цахим орчинд түгж, иргэдийн бухимдлыг төрүүлээд байна.

Энэ явдал хэзээ болсон талаар болон жолоочид ямар хариуцлага тооцсон тухай Нийтийн Тээврийн Газар(НТГ)-ын Хяналт шалгалтын хэлтсээс тодруулахад "Энэ явдал тавдугаар сарын 5-нд болсон. Зам тээврийн осол гэж үзэн, Тээврийн Цагдаагийн Алба(ТЦА)-аас холбогдох хуулийн дагуу арга хэмжээ тооцсон" гэлээ. 

Түүнчлэн зорчигчоо суулгахгүй үлдээсэн, ёс зүйн алдаа гаргасан зэрэг тохиолдолд жолоочийг 25,000 төгрөгөөр торгож, нэг жолоочид гурваас дээш тооны гомдол ирвэл давтан сургалтад суулгадаг байна. 

Сургалтаар ёс зүй, зорчигч тээвэрлэх дүрэм, нийтийн тээврийн ерөнхий стандарт, үйл ажиллагаанд тавигдах шаардлага зэргийг заадаг хэмээн НТГ-ын Хяналт шалгалтын хэлтсээс мэдээлсэн юм.

Мөн дээрх тохиолдлын талаар нийслэлийн Засаг даргын Хэвлэлийн төлөөлөгч Н.Сугар "Хүүхдийн гар хугарч, гэмтэл авсан учраас эрүүгийн цагдаагийн газар хэргийг шалгасан. Ослын хувьд зорчигчийн буруутай үйлдэл гэж үзэн цагдаагийн байгууллага хэргийг хаасан. Харин Blue bus компанийн зүгээс жолоочийг цалинг 30 хувиар бууруулж, гурван сарын хугацаанд ажлыг нь хийлгээгүй гэж мэдээлэл ирүүлсэн" хэмээв.

Нэмэлт мэдээлэл хүргэхэд, D ангиллын үнэмлэхтэй, мэргэшсэн жолооч нараас сонгон шалгаруулж, нийтийн тээврийн үйлчилгээнд явуулдаг аж. Мөн НТГ-аас автобус үйлчилгээний компаниудад аюулгүй байдал, техникийн бүрэн бүтэн байдлаа хангаж ажиллахыг үүрэг болгож, тогтмол сургалт зохион байгуулж байгааг албаны эх сурвалж мэдээлэв.