Турк ардын хөгжмийн мастерууд Монголд тоглолтоо хийнэ
Турк улсын Анкарагийн Хөгжим, дүрслэх урлагийн их сургуулийн уран бүтээлчид Монголд тоглохоор ирээд байна. “Турк ардын хөгжмийн мастерууд Монголд” тоглолтод Анатолийн бүс нутгийн Турк маягийн “Морин хуур” гэж нэрлэж болохоор саз хөгжмийн зэмсгээр төрөл бүрийн ардын хөгжмийг өвөрмөц арга барил, техникээр тоглож, толилуулах юм.
Уран бүтээлчид Турк ардын хөгжмийг Монголын ард түмэнд таниулах зорилгоор төрөл бүрийн аялгуу гаргадаг уламжлалт хөгжмийн зэмсгээр гайхалтай аялгуунуудыг тоглоно. Тоглолт дөрөвдүгээр сарын 8, 9-ний өдрүүдэд 19:00 цагаас Улаанбаатар театрын тайзнаа болох юм. Монголоос Улаанбаатар театрын үндэсний хөгжмийн Хангарди найрал хамтран тоглоно.
Эх сурвалж: НИЙСЛЭЛИЙН СУРГАЛТ, СУДАЛГАА, ОЛОН НИЙТТЭЙ ХАРИЛЦАХ ГАЗАР
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
