Ресторан, кофе шоп заалаар үйлчлэх болон амралт, жуулчны баазын үйл ажиллагааг хязгаарласан хугацааг 10 хоногоор сунгалаа
УОК өнөөдөр хуралдаж зарим шийдвэрийг гаргасан талаар мэдээлэл өглөө.
УОК-ын Нарийн бичгийн дарга Т.Баярхүү "Үйл ажиллагааг нь долоо хоногоор хязгаарлаад байсан хоол үйлдвэрлэл, үйлчилгээний газар буюу бүх төрлийн ресторан, кофе шопыг заалаар үйлчлэхийг хязгаарласан хугацааг цаашид дахин 10 хоногоор сунгах шийдвэр гаргалаа. Ингэснээр хоолны захиалгын болон хүргэлтийн үйлчилгээ хийгдэнэ.
Мөн амралт, жуулчны баазын үйл ажиллагааг хязгаарласан хугацааг 10 хоногоор сунгалаа" гэв.
Ресторан, кафе, сүлжээ хоолны газар, түргэн хоолны газар, цайны газар, буфетийн үйл ажиллагааг 2021 оны зургаадугаар сарын 17-ноос эхлэн долоо хоногийн хугацаанд заалаар үйлчлэхийг нь хориглож, амралт жуулчны газрын үйл ажиллагааг хязгаарласан билээ. Энэ хязгаарлалт дахин 10 хоногоор сунгагдлаа.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
