Улаанбаатар-Сөүл чиглэлийн тусгай үүргийн нислэгээс бусад бүх нислэг цуцлагджээ
Гамшгаас хамгаалах бүх нийтийн бэлэн байдлын зэрэгт шилжүүлэх Засгийн газрын хуралдааны шийдвэр гарсан.
Энэ хүрээнд 2020.11.12-ны 06:00 цагаас 2020.11.17-ны 06:00 цаг хүртэлх хугацаанд МИАТ ТӨХК-ийн 2020 оны арваннэгдүгээр сарын 13-ны өдрийн Улаанбаатар-Сөүл чиглэлийн тусгай үүргийн нислэгээс бусад бүх нислэг цуцлагджээ.
Улсын Онцгой комиссын шийдвэрийн дагуу үйлдэгдэх МИАТ ТӨХК-ийн 2020 оны арваннэгдүгээр сарын 13-ны өдрийн Улаанбаатар-Сөүл чиглэлийн тусгай үүргийн нислэгт зорчигч тээвэрлэх тул зорчигчдын билетийн бүртгэлийг 2020 оны арваннэгдүгээр сарын 12-ны өдрийн 09:00-22:00 цагийн хооронд 11-333-999 дугаарт хандан бичүүлнэ үү.
Бусад МИАТ ТӨХК-ийн нислэгтэй холбоотой асууж тодруулах зүйл байвал 09:00-18:00 цагийн хооронд 11-333-999 дугаараас лавлана уу.
"13-ны өдрийн тусгай үүргийн нислэгээр Сөүлээс иргэдээ авчрахгүй бөгөөд зарим шаардлагатай эмнэлгийн хэрэгсэл, тоног төхөөрөмжийг ачиж авчрахаар төлөвлөж байгаа" гэдгийг Шадар сайд Я.Содбаатар хэлж байсан юм.
