"Их, дээд сургуулиуд наймдугаар сарын 15-наас эхлэн төгсөх шалгалтаа зохион байгуулах нь зүйтэй"
Хичээл, сургалтын үйл ажиллагааг улсын хэмжээнд есдүгээр сарын 1-нийг хүртэл зогсоох шийдвэрийг Улсын Онцгой комиссоос өнөөдөр гаргалаа.
Ингэснээр сургуулийн өмнөх боловсролын болон ерөнхий боловсролын сургуулийн сурагчдад теле хичээлийг зургаадугаар сарын 1-н хүртэл заана.
Харин их, дээд сургуулиуд цахим хичээлээ үргэлжлүүлэхээр боллоо. Түүнчлэн цахимаар хичээлээ судалж буй оюутнуудын төгсөлтийн болон курс дэвших шалгалтыг хэзээ зохион байгуулах талаар БСШУС-ын сайд Ё.Баатарбилэг "Урьдчилсан тооцооллоор их, дээд сургуулиуд наймдугаар сарын 15-наас эхлэн төгсөх болон курс дэвших шалгалтаа зохион байгуулах нь зүйтэй гэсэн байр суурьтай байна" гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
