ВИДЕО: Нийслэлийн иргэд зорчих дүүжин тээвэр

"Нийслэлийн нийтийн тээвэрт дүүжин замын тээвэр нэвтрүүлэх төсөл”-ийн санхүүжилтийг Бүгд Найрамдах Франц Улсын хөнгөлөлттэй зээлийн хүрээнд шийдвэрлэх талаар яаралтай судалж, ондоо багтаан тус улсад албан хүсэлтээ уламжлах болсоныг Засгийн газрын хуралдаанаас өнгөрсөн сард мэдээлж байсан билээ.

Зээлийн хөрөнгөөр эхний ээлжинд Баянхошуу орчмоос III, IV хороолол хүртэл болон Энхтайваны гүүр, Чингисийн өргөн чөлөөний замын түгжрэлийг бууруулах зорилготой хоёр шугам нээхээр төлөвлөж буй.

Дүүжин тээврээр цагт 2,500-3,000 хүн үйлчлүүлэх бөгөөд Баянхошуунаас Ард Аюушийн өргөн чөлөө хүртэл 16 минут, Зайсангаас хотын төв рүү найман минутад зорчино гэж тооцоолсон талаар Засгийн газраас мэдээлж байсан юм.

Дүүжин тээврийн танилцуулгыг үзнэ үү: