Эрэн сурвалжлагдаж байсан этгээдийг саатуулах гэж байгаад гэмтсэн цагдаа нас баржээ
Эрэн сурвалжлагдаж байсан этгээдийг саатуулах гэж байгаад авто машинд даруулан гэмтсэн цагдаагийн алба хаагч нас барсан талаар цагдаагийн байгууллагаас мэдээллээ.
Өчигдөр 11:30 цагийн үед ажил үүргээ гүйцэтгэж яваад бусдын халдлагад өртөж хүнд гэмтсэн цагдаагийн алба хаагчид эмнэлгийн яаралтай тусламж үзүүлж, ГССҮТ-д ухаан ороогүй байж байгаад өнөөдөр 10:00 цагт хагалгаанд орсон байна. Хагалгаа амжилттай болж, 12:55 цагт хагалгаанаас гарсан хэдий ч удалгүй хагалгааны дараах хүндрэлийн улмаас тус алба хаагч нас баржээ.
"Эмнэлгийн байгууллагаас бүхий л арга хэмжээ авсан боловч харамсалтай нь алба хаагчийн маань биеийн байдал маш хүнд байсан учир аварч чадсангүй" хэмээн ЦЕГ-ын Хэвлэл мэдээллийн төвийн дарга Б.Баатархүү хэллээ.
Өчигдөр болсон хэргийн бичлэг:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
