Увс аймгийн Засаг даргаар Э.Насанбатыг сонгож, Ерөнхий сайдад уламжлахаар болжээ
Увс аймгийн Иргэдийн Төлөөлөгчдийн Хурал (ИТХ)-ын ээлжит 10 дугаар хуралдаан өчигдөр Улаангом сумын нутгийн захиргааны ордонд зохион байгуулагдлаа.
Тус хуралдаанаар аймгийн Засаг даргад нэр дэвшүүлэх тухай асуудлыг хэлэлцэж, ИТХ дахь МАН-ын бүлгээс төлөөлөгч Э.Насанбатыг, АН-ын бүлгээс Д.Цэндсүрэн нар өрсөлджээ.
Аймгийн Засаг даргыг сонгох нууц санал хуралтад ИТХ-ын 32 төлөөлөгч оролцож, МАН-ын бүлгийн төлөөлөгч Э.Насанбат олонхын буюу 53.13 хувийн санал авсан байна.
Ийнхүү Увс аймгийн Засаг даргад нэр дэвшиж олонхын санал авсан Э.Насанбатыг Ерөнхий сайдад уламжлах тогтоол баталсан аж.
Э.Насанбатын товч намтар
БОЛОВСРОЛ:
- 1980 - 1990 Ахлах хоёрдугаар сургууль
- 1999 - 2002 Хөдөлмөрийн дээд сургууль
- 2010 - 2011 Хүмүүнлэгийн ухааны их сургууль
ТУРШЛАГА:
- 1992 - "Дэглий цагаан" ХХК, Нябо
- 1998 - Татварын хэлтэс, эдийн засагч
- 2003 - Аймгийн СТСХэлтэс, Төрийн сангийн мэргэжилтэн
- 2008 - "Мөнхжим Өргөө" ХХК, Захирал
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
