Б.Мөнхзаяа Бээжингийн марафонд долдугаар байр эзэлжээ

Энэ сарын 2-нд буюу өнгөрсөн Ням гарагт БНХАУ-ын Бээжин хотноо марафоны тэмцээн болжээ.

Түүхэндээ хамгийн олон оролцогчтой буюу 4,700 хүн уралдсан энэ тэмцээний эмэгтэйчүүдийн ангилалд Б.Мөнхзаяа 2:29:46 цагийн амжилт үзүүлснээр долдугаар байр эзэлсэн юм. 

Ингэснээр Азийн Аварга Шалгаруулах Тэмцээн (ААШТ)-ий хүрэл медальт Б.Мөнхзаяа энэ улирлын шилдэг амжилтаа үзүүлжээ.

Бээжингийн марафонд Этиопийн гүйгч Анчиналу Дессе 2:26:08 цагийн амжилтаар түрүүлсэн бол Кенийн Марион Кибор, Этиопийн Тахир Куфту нар мөнгө, хүрэл медаль хүртэв.

 

Харин эрэгтэйчүүдийн ангилалд Б.Гансүх 2:16:18, О.Нацагдорж 2:16:29, Д.Гантулга 2:16:57 цагийн амжилтаар барианд орсон байна.