Улаанбаатар хотод түр ХААСАН болон ХААХ гэж байгаа авто замууд

Парисын гудамжны авто замын хэсэгчилсэн засвар, шинэчлэлтийн ажлын хүрээнд Өргөө амаржих газрын уулзвараас Нарны зам хүртэлх авто замыг өнөөдөр орой хааж, гурав хоногийн хугацаанд шинэчилнэ.

• Зам хаах хугацаа: Долоодугаар сарын 3-ны 23:00 цаг
• Зам нээх хугацаа: Долоодугаар сарын 6-ны 12:00.

Өнөөдрийн байдлаар нийслэл хотод хөдөлгөөнийг ХААЖ, засварлаж байгаа авто замууд:

1. 100 айлын уулзвараас Дарь-Эхийн уулзвар хүртэлх авто зам. Замын хөдөлгөөнийг маргааш буюу долоодугаар сарын 4-ний 06:00 цагт нээнэ. 
2. Таван богд группийн уулзвараас Хан-Уул дүүргийн уулзвар хүртэлх авто зам. Бямба гарагт буюу долоодугаар сарын 5-ны 06:00 цагт нээгдэнэ.
3. Шарга морьтоос хойшоо 2.5 километр авто зам. Долоодугаар сарын 9-ний 06:00 цаг хүртэл засварын ажил үргэлжилнэ.
4. "ДЦС-4"-ийн зүүн урд талын уулзвараас Наадамчдын авто замыг Эрчим хүчний гудамжтай холбосон авто замын уулзвар хүртэлх замын хөдөлгөөнийг наймдугаар сарын 1-нд нээнэ.

Маргааш буюу долоодугаар сарын 4-нд засварт орох авто зам:

• Багшийн дээдийн уулзвараас Бөхийн өргөө хүртэлх авто замыг долоодугаар сарын 4-ний Баасан гарагт 23:00 цагт хааж, долоодугаар сарын 6-ны өдөр 06:00 цаг хүртэл засварлана. Энэ үеэр төв замаар зорчдог нийтийн тээврийн автобуснууд хойгуураа тойрч явна.