ЧАНАР 40
ЧАНАР 75
ЧАНАР 51
ЧАНАР
ЧАНАР 162
ЧАНАР 176
ЧАНАР 110
ЧАНАР 162
ЧАНАР 129
ЧАНАР 136
ЧАНАР 396
ЧАНАР 170
ЧАНАР 170
ЧАНАР 172
ЧАНАР 113
ЧАНАР 127
ЧАНАР 172
ЧАНАР 104
ЧАНАР 146
"Монголын их хүйтэнд болон түгжрэлийг нэмэхгүйгээр метроны барилгын ажлыг гүйцэтгэх төлөвлөлт том асуудал болж байна"
Улаанбаатар хотыг метротой болгох төслийн зөвлөх үйлчилгээг БНСУ-ын “Dohwa Engineering” компани үзүүлж байгаа билээ.
Тус компанийн Тээврийн салбарын ерөнхий захирал Чон Су Дун өнөөдөр болсон форумын үеэр метро төслийн зөвлөх үйлчилгээний ажлын явцын талаар сэтгүүлчдийн асуултад хариулсан юм.
Сэтгүүлч: “Dohwa Engineering” компани Монгол шиг хүйтэн, эрс тэс уур амьсгалтай оронд ажиллаж байсан туршлага бий юу?
- 2015-2017 оны хооронд хот төлөвлөлтөд оролцсон туршлага байгаа. Метроны төсөлд анхаарах зүйл нь зураг төсөлд эрс, тэс уур амьсгалыг ямар байдлаар тусгах энэ нь цаашид метроны бүтээн байгуулалтын ажилд ямар байдлаар тусгахыг төлөвлөж яваа онцгой зүйлийн нэг юм.
Өнөөдрийн зохион байгуулж байгаа форумын зорилго нь Улаанбаатар хотын төлөвлөлт буюу дэд бүтцүүд болох ус хангамж, зам тээврийн дэд бүтцийг метроны төсөлтэй хэрхэн холбох төлөвлөлтийг хэлэлцэнэ.
“Dohwa Engineering” компани БНСУ-д 40 жилийн турш метроны төлөвлөлтийг хийж байсан.
Сэтгүүлч: “Монголд зөвлөх үйлчилгээ үзүүлж байгаа ажлын явц ямар түвшинд байгаа бол?
- Манай компани Улаанбаатар хоттой хамтарч төлөвлөлтөө бүрэн хийж дуусаад метроны ерөнхий дизайнаа гаргаж эхэлсэн. Метроны зураг төсөлд гол үүргийг гүйцэтгэх судалгааны ажлаа эхлүүлсэн байгаа.
Одоо Улаанбаатар хотоос зөвшөөрөл гарвал судалгааны өрөмдлөгийн ажлыг өнөө маргаашгүй эхлүүлэхэд бэлэн.
Энэ оны аравдугаар сарын 1-н гэхэд метроны бүтээн байгуулалтыг гүйцэтгэх байгууллагын тендерийг зарлахаар төлөвлөсөн байгаа. Мэдээж олон улсын нээлттэй тендер болох байх. Үүний дараа ямар улсын компаниуд оролцох нь тодорхой болохоор саналаа ирүүлсэн компаниуд болон нийслэл хоттой хамтарч бүтээн байгуулалтын ажлыг ямар байдлаар хийхийг дахин нарийвчлан төлөвлөх юм.
Аравдугаар сард метроны бүтээн байгуулалтыг гүйцэтгэх тендер зарлагдахтай холбогдуулан БНСУ, БНХАУ-ын компаниуд анхаарлаа хандуулаад эхэлсэн байгаа.
Сэтгүүлч: Улаанбаатар метро төслийг хэрэгжүүлэхэд дэд бүтцийн хувьд ямар хүндрэл гарч байна вэ?
- Бусад улсад хэрэгжүүлж байсан метроны зөвлөх үйлчилгээний төслүүдтэй харьцуулахад дэд бүтцээсээ илүү нэг хүндрэл Монголд байна. Энэ нь өвлийн 30, 40 градусын хүйтэн үед метроны бүтээн байгуулалтыг зогсоохгүйгээр явуулах төлөвлөгөөг зөв боловсруулах. Үүнд анхаарч ажиллаж байна.
Улаанбаатар хотын одоогийн түгжрэлийг нэмэгдүүлэхгүйгээр метроны бүтээн байгуулалтын ажлыг хэрхэн хийхийг төлөвлөх нь хоёр дахь том асуудал болж байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
