ХУУЧИРСАН МЭДЭЭ: 2023/06/08-НД НИЙТЛЭГДСЭН

Сургууль, цэцэрлэгийн зүгээс засаг захиргааны нэгждээ ямар засвар шаардлагатай байгаа талаар хүсэлт тавьж санхүүжилт авдаг

М.Батчимэг, ikon.mn
2023 оны 6 сарын 8
IKON.MN
Зураг зураг
Гэрэл зургийг mpa.mn

Авлигатай тэмцэх газар (АТГ)-т өнөөдөр боловсролын салбар дахь хууль бус хандив, тусламж, анги засвартай холбоотой асуудлаар хэлэлцүүлэг боллоо.

Тодруулбал жил бүрийн өдийд эцэг, эхчүүдээс анги засварын мөнгө хурааж аваад, намар дөхөх үед хамгийн хямд будгаар сургуулийн шал ханыг буддаг гэх гомдлын дагуу энэ асуудлыг шийдвэрлэх боломжийг хэлэлцэхээр бүх талуудыг оролцуулсан хэлэлцүүлгийг хийсэн байна.

“Хуульд тусгаагүй төлбөр хураамж авах нь хориотой”
Засаг захиргаа, нутаг дэвсгэрийн нэгжийн тухай хуульд тухайн боловсролын байгууллагын барилга байгууламжтай холбоотой тогтмол зардал болон засварын зардлыг дүүрэг, нийслэл, орон нутгийн удирдлагууд төсөвтөө батлах ёстой байдаг байна.

Хуулийн дагуу аль сургууль дээр ямар засвар хэрэгтэй байгаа эсэхийг эрэмбэлэн жагсааж шаардлагатай төсвийг сургуулиудад баталж өгснөөр засварын ажил хийгддэг аж.

Боловсролтой холбогдох хуульд зөвхөн гүнзгийрүүлсэн сургалтаар хичээллэж байгаа сургуулиуд стандартаас давсан агуулгаар сургалт зохион байгуулсныхаа төлөө хувьсах зардлын 50-иас хэтрэхгүй хувиар эцэг эхчүүдээс нэмэлт төлбөр авдаг. Үүнээс өөр хуульд заасан хураамж байхгүй. Тиймээс хуульд тусгаагүй төлбөр хураамж авах нь хориотой учир бүх хүүхдэд ижил төлбөрийн нөхцөлтэй хэмжээ тогтоож, бүгд оролцохыг албадаж болохгүй гэдгийг авлигатай тэмцэх газрын Урьдчилсан сэргийлэх, соён гэгээрүүлэх хэлтсийн ахлах ажилтан, ахлах комиссар Д.Цэнд-Аюуш хэллээ. 

Энэ жил Авлигатай тэмцэх газрын 110 утсанд ирсэн дуудлагын 16 хүртэлх хувь нь засвар болон эцэг эхчүүдээс мөнгө хураахтай холбоотой гомдлууд байжээ. 
Сургууль, цэцэрлэгийн Засварын ажлын төсвийг яаж баталдаг вэ?

Сургууль, цэцэрлэг нь их болон урсгал гэсэн хоёр төрлийн засварыг хийдэг аж. Уг хоёр засварын ажилд зарцуулагдах төсөв нь тухайн сургуулийнхаа тэр хичээлийн жилийн нөхцөл байдлаасаа шалтгаалаад өөр өөр батлагддаг байна. 

Тодруулбал сургууль, цэцэрлэгийн удирдлагууд засаг захиргааны нэгждээ энэ жил ямар засварын ажил хийх шаардлагатай байгаа талаараа хүсэлт тавьж уг хүсэлтийн дагуу санхүүжилт нь орж ирдэг юм байна. 

Гэвч энэ нь ил тод биш, мэдээллийн зөрүүтэй байгаа нь төөрөгдөл үүсгэж улмаар засварын мөнгийг эцэг эхээс хураах, засварын ажил оройтох зэрэг асуудлыг үүсэж байна гэдгийг эцэг эхийн төлөөлөл иргэн Л.Дэлгэрзул хэллээ. 

2022 оноос эхлээд боловсролын үр дүнд суурилсан санхүүжилт хэрэгжиж эхэлсний хүрээнд 10 төрлийн зардал дотор сургуулийн засвар орсон байна. Өмнө нь ийм зардал сургууль, цэцэрлэгийн төсөвт байдаггүй байсан учраас эцэг эхчүүдээс мөнгө татдаг байжээ.

Цаашдаа энэ зардлыг нэмэгдүүлж, илүү хүртээмжтэй оновчтой болгох, шаардлагагүй зардал татаж байгаа бол түүнийг тодорхой болгох хариуцлага тооцох зохицуулалтыг хийхээр ажиллаж байгаа гэдгийг Боловсролын ерөнхий газрын дарга Т.Ням-Очир хэлж байлаа.

Энэ мэдээнд өгөх таны хариулал?
2
Зураг
ТЭНЭГЛЭЛ
1
Зураг
ЗӨВ, ГОЁ
Зураг
ХАХА
Зураг
ХӨӨРХӨН ЮМ
Зураг
ГАЙХМААР
Зураг
БАХАРХМААР
Зураг
ХАРАМСАЛТАЙ
Зураг
БУРУУ
ИЛГЭЭХ
БОЛИХ
Зураг
Баярлалаа
8 СЭТГЭГДЭЛТЭЙ
0/1000
Эхний
Сүүлийн
Шилдэг
Зочин [66.181.187.61] 2023/6/9
Урсгал засварт хүүхдүүдийн эцэг эхчүүд тус нэмэр болж байгаа нь зөв. Сүүлийн жилүүдэд бүр эцэг эхчүүд хүүхдээ багшийг сургуулийг ч тоохоо байсан харин ч загнаад л байж байдаг болсон. Сурах бичгийн хувьд нилээд хэт нарийн, хэт хуумгай 2 төрлөөр хандаж зохиож бгаа нь ажиглагддаг. Ном сүүлдээ жил бүр хэвлээд л хачирхалтай юм. Багш бэлддэг сургууль тийм ийм мэргэжил чухал чухал гээл том анги руу тийм их шаардагагүй хичээлийг оруулаад хүүхдийн цаг хугацаа, анги танхим зай, орон тоо, цалин үрээд ч байга юм шиг.
0 | 0 Хариулах
Зочин [66.181.183.67] 2023/6/9
Жил болгон эцэг эхчүүдээс мөнгө хурааж засдаг биз дээ эсвэл дундаас нь ямар нэгэн дарга нар төсөвлөсөн мөнгийг нь хусаад байна уу энэ асуудлаа нэг тийш нь шийдээчээ яам сайд гуай. Бас давхар номны шахаа хийнэ яам уу захирал нь уу хэвлэлийн газар уу хүүхдүүдээр бизнес хийдгээ хэзээ зогсоох вэ Сайдтаан
1 | 0 Хариулах
Зочин [103.229.123.175] 2023/6/9
Яамны малууд хий сууж байна тэднийг цомхотгоод засвараа олигтой сайн хий.
0 | 0 Хариулах
зочин [202.131.253.146] 2023/6/9
Боловсролын бодлогоо яаралтай сайжруулмаар байна. Гүнзгийрүүлсэн ангийн төлбөр жил бүр нэмэгддэг хэрнээ нэг ангид 50 хүүхэд аваад даац хэтрүүлж, гүнзгийрүүлсэн гэдэг утга нь алдагдаад нэрнээс өөр зүйлгүй болсон ангид хичээллүүлчихээд, хоцрогдолтой сурагчдыг зун өөрсдийн зардлаараа сургалтанд сууж хоцрогдлоо нөх гэж байна шүү Боловсролын Сайд аа. Сурах орчин нөхцөл, заах арга барил аа хэзээ хэвийн түвшинд болгох вэ. Сайд аа.
0 | 0 Хариулах
Зочин [103.140.10.222] 2023/6/8
Сургуулийн анги засварын мөнгө байнга л авдаг шүү дээ
0 | 0 Хариулах
Зочин [202.9.46.250] 2023/6/8
buh surguuliud jil bolgon l zasvaryn mungu avdag. ene jil ch avsan.
0 | 0 Хариулах
Зочин [66.181.161.225] 2023/6/8
Tiim shvv 4 hvvhed tus 15000g huraasan hetsvv l bn
0 | 0 Хариулах
Зочин [103.229.123.175] 2023/6/9
30к авдаг болж.
0 | 0 Хариулах