ХУУЧИРСАН МЭДЭЭ: 2022/06/30-НД НИЙТЛЭГДСЭН
ОХУ-ын Гадаад хэргийн сайд С.В.Лавров манай улсад ирэх үү?
iKon.MN
Гэрэл зургийг MPA агентлагийн онцгой зөвшөөрөлтэйгөөр ашиглав
Оросын Холбооны Улсын Гадаад хэргийн сайд С.В.Лавров манай улсад ирэх гэж байна гэх яриа гараад буй.
Энэ талаар тодорхой мэдээлэл алга. Гэхдээ эх сурвалжийн хэлж буйгаар сайд С.В.Лавров ирэх долоо хоногт манай улсад ирэхээр яригдаж байгаа юм байна.
Бусад улсын Гадаад хэргийн сайдыг ижил түвшний албан тушаалтан урьдаг протоколтой байна.
2022 оны зургаадугаар сарын 2-ны өдөр Монгол, ОХУ-ын Гадаад харилцааны сайд нар ойрын үед хэрэгжүүлэх айлчлал, арга хэмжээ, худалдаа, эдийн засгийн асуудлуудаар утсаар санал солилцож байсан юм.
ОХУ-ын Гадаад хэргийн сайд С.В.Лавров 2016 онд тухайн үеийн Гадаад хэргийн сайд Л.Пүрэвсүрэнгийн урилгаар Монголд нэг өдрийн айлчлал хийгээд буцсан билээ.
