Г.Баттогтох: Авто машины зогсоол гаргах гэж явган хүний замыг нарийсган хоёр давхар бродюр хийсэн байх магадлалтай
Авто замын хашлагыг давхар хийсэн зураг цахим орчинд тархаад буй. Уг асуудалтай холбоотойгоор Нийслэлийн Замын хөгжлийн газраас мэдээлэл хийж байна.
ШУУД ҮЗЭХ:
"Хоёр давхар бродюрыг улсын төсвөөр хийгээгүй"
Нийслэлийн Замын хөгжлийн газрын дарга Г.Баярсайхан “Хоёр давхар бродюрыг манайхаас хийгээгүй. Намьяанжүгийн гудамжинд байрлах хувийн компани өөрийнхөө барилгын урд талд зогсоол хийхдээ явган замыг шинэчилж дотуур давхарлаж хийсэн бродюр юм.
Энэ бол улсын төсвөөр эсвэл Авто замын хөгжлийн газраас хийгдээгүй ажил” хэмээн хэллээ.
"Ямар зөвшөөрлөөр давхар бродюр хийснийг нь тодруулж байна"
Нийслэлийн Замын хөгжлийн газрын орлогч дарга Г.Баттогтох “Бид давхар бродюрын асуудлаар өнөөдөр тухайн компанийн эзэдтэй уулзаж, ямар зөвшөөрлөөр хийснийг нь болон орц гарц нь ерөнхий төлөвлөгөөнд тусгагдсан эсэхийг нь тодруулж байна.
Хоёр давхар бродюрыг авто машины зогсоол гаргах зориулалтаар явган хүний замыг нарийсгаж хийсэн байх магадлал бий. Шалгаж байна" гэсэн юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
