Ц.Магалжав: Дөрвөн бөхийн сорьцоос допинг илэрсэн байна
Гурван тэгш ойд зориулсан үндэсний бөхийн барилдаан наймдугаар сарын 16, 17-ны өдөр зохион байгуулагдаж, 512 бөх оролцсон билээ.
Тус барилдаанд оролцсон 18 бөхөөс допингийн шинжилгээ авахад дөрвөн дээжээс допинг илэрсэн талаар МҮБХ-ноос мэдээллээ.
Монголын Үндэсний Бөхийн холбооны ерөнхийлөгч Ц.Магалжав "512 бөхийн барилдаанд шөвгөрсөн 16, өөрийн саналаар хоёр гээд нийт 18 бөх допингийн шинжилгээ өгсөн.
Манай холбоо шинжилгээний хариуг хүлээж авмагцаа бөхчүүдэд мэдээлсэн бөгөөд 10 хоногт багтан Б сорьцоо шинжлүүлэх эсэх хариугаа бидэнд мэдэгдэх ёстой. Дөрвөн бөхийн А сорьцоос допинг илэрсэн учраас шинжилгээний дүнг эсэргүүцэж байгаа бол Б сорьцоо шинжлүүлэх хүсэлт гаргаж болно. Хүсэлт гаргаагүй тохиолдолд шинжилгээний дүнг хүлээн зөвшөөрч байна гэж үзнэ.
БНСУ руу А, Б хоёр сорьцыг хамт илгээсэн байгаа бөгөөд бөхчүүдийн хүсэлтийг харгалзан Б сорьцод шинжилгээ хийж, дахин допинг илэрвэл нэрийг нь зарлана.
БНСУ-аас 18 бөхийн шинжилгээний хариу нэг дор ирүүлээгүй. Тус улсаас допингийн эсрэг байгууллагад хариу нь цуваад ирснийг өнөөдөр нэгтгээд манай холбоонд ирүүлсэн. Ирсэн бичиг дээрээс харвал БНСУ дахь лабораторид шинжилгээний хариуг 2021 оны аравдугаар сарын 28-нд эцэслэсэн гэсэн байна" хэмээн хэллээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
17 СЭТГЭГДЭЛТЭЙ
|
